Գաղտնի գնորդ հետազոտություն

Հնարավո՞ր է արդյոք ձեր ընկերության կողմից տրամադրվող ծառայությունը դիտարկել սպառողի աչքերով: 

Հայտնի է, որ սպասարկման որակը որոշիչ գործոններից է սպառողների մեծամասնության համար՝ գնում կատարելու կամ ծառայությունից օգտվելու որոշում կայացնելու հարցում: 

Գաղտնի գնորդ հետազոտությունը արդյունավետ մեթոդաբանություն է ձեր ծառայությանը ձեր հաճախորդի դիտանկյունից նայելու համար: Մեթոդաբանությունը ենթադրում է, որ վերապատրաստված հետազոտողները ներկայանում են որպես գնորդներ, օգտվում են ապրանքներից կամ ծառայություններից, այնուհետ մանրամասն ներկայացնում են իրենց կարծիքը՝ ունեցած փորձառության վերաբերյալ:

Գաղտնի գնորդ հետազոտության արդյունքում հաշվարկվում է Գաղտնի գնորդի ինդեքս: Վերջինս ագրեգացված ցուցանիշ է, որը հնարավորություն է տալիս՝ 

• Գնահատել ընկերության սպասարկման որակը
• Գնահատել աշխատակիցների վարքագծի և ընկերության կողմից սահմանված սպասարկման ստանդարտների միջև համապատասխանության աստիճանը
• Գնահատման շարունակական գործընթացի միջոցով մշակել աշխատակիցների պարգևատրման համակարգ: