Զարգացման ծրագրերի մոնիթորինգ և գնահատում

Ինչպե՞ս կարող եք հավաստիանալ, որ ձեր կողմից իրականացվող ծրագիրն արդյունավետ է և դրական ազդեցություն է ունենում շահառուների վրա: 

Զարգացման ծրագրերը մեծամասամբ ձևավորվում են փոփոխության տեսության հիման վրա, որի շրջանակներում ձևակերպվում են ծրագրի ներդրումները և ակնկալվող վերջնարդյունքները: Վստահ լինելու համար, որ ծրագրին հատկացված նշանակալի ռեսուրսները նպատակային են ծախսվում, որոշում կայացնողները կարիք ունեն կանոնավոր կերպով հետևել ծրագրի գործողություններին, որպեսզի հետազոտական արդյունքների հիման վրա հավաստիանան, որ ծրագիրն իրականացվում է նախագծվածին համապատասխան: 

Ծրագրերի մոնիթորինգը հնարավորություն է տալիս սահմանել ծրագրի թիրախային չափորոշիչները, գնահատել և փաստաթղթավորել ստացված արդյունքները, վերջիններիս հիման վրա շտկել որոշում կայացնելու ընթացակարգերը, քաղած դասերն ինտեգրել ծրագրի հետագա փուլերում: Մոնիթորինգի միջոցով ստացված տվյալները հետագայում կիրառվում են ծրագիրը գնահատելու համար:

Ծրագրի մոնիթորինգը և գնահատումը հնարավորություն է տալիս անցյալի փորձից դասեր քաղել, բարելավել ծրագրի արդյունքները, ապահովել ներդրված ռեսուրսների և ստացված արդյունքների հաշվետվողականությունը, իրազեկված որոշումներ կայացնել և անհրաժեշտ տեղեկատվությամբ ապահովել շահագրգիռ կողմերին: 

Արինսայթս հետազոտական ընկերության փորձագետները հիմնարար խորհրդատվություն են տրամադրում հետևյալ ուղղություններով՝

• Մոնիթորինգի և գնահատման տրամաբանական շրջանակի մշակում
• Զարգացման նախաձեռնությունների ընթացքի գնահատում 
• Զարգացման ծրագրերի համարժեքության, արդյունավետության, ծախսարդյունավետության, ազդեցության և կենսունակության` ամփոփիչ և ձևավորող գնահատումների իրականացում
• Ծրագրի գործողությունների և զարգացման օրակարգի ներքո իրականացվող համանման միջամտությունների համահունչ լինելու աստիճանի գնահատում