Պատահական վերահսկվող գիտափորձ

Փնտրու՞մ եք մեթոդաբանություն, որը հնարավորություն կտա հասկանալ՝ որ քաղաքականություններն են աշխատում, իսկ որոնք ոչ: 

Հանդիսանալով փորձարարական մեթոդաբանություն՝ պատահական վերահսկվող գիտափորձը համարվում է լավագույն գիտական մոտեցումը՝ քաղաքականության միջամտությունների և դրանց ազդեցությունների պատճառահետևեանքային կապերը գնահատելու համար: Գնահատման այս տեսակը թույլ է տալիս ստանալ ծրագրի արդյունքների մասին հիմնավորված տեղեկություններ, որոնք հիմք են ծառայում՝ որոշում կայացնելու համար:

Փորձարկումներն իրագործվում են միանման թիրախային խմբերը պատահականության սկզբունքով բաշխելու և դրանցում ծրագրային միջամտություն իրականացնելու միջոցով:  Առանձնացվում են միջամտության և հսկիչ խմբեր՝ միջամտության զուտ ազդեցությունը չափելու համար: Այստեղ կարևոր է նվազեցնել ընտրության ընթացքում ի հայտ եկող սիստեմատիկ խնդիրները և խեղաթյուրող փոփոխականների ազդեցությունը: Փորձագիտական չափումն ունի բարձր արդյունավետություն հետևյալ խնդիրները լուծելու համար՝

• Չափել միջամտությունների ազդեցությունը վարքի վրա՝ նպատակ ունենալով հետագա միջամտությունների և առաջնահերթությունների համար ուղենիշներ մշակել
• Գնահատել կոնկրետ միջամտության ազդեցությունը, որը կօգնի որոշում կայացնել համանման միջամտությունների կիրառման հարցում, ինչպես նաև՝ տվյալ միջամտությունը շարունակելու կամ դադարեցնելու հարցում: